सिराहा । सिराहाको गोलबजार नगरपालिका ४ स्थित गोल चोकमा रहेको मिनि मार्केट बजारमा बुधबार बेलुकी ठूलो आगलागी भएको छ । सोही नगरपालिका ४ का बासिन्दा नईम मंसुरीले सञ्चालन गरेको रेडिमेड कपडा पसलमा आगलागी हुँदा पसल पूर्णरूपमा जलेर करिब २० लाख रूपैयाँ बराबरको धनमाल नष्ट भएको हो ।
आगलागीको कारणले पसलका सम्पूर्ण सामानहरू र अन्य भण्डारणहरू पूर्णरूपमा जलेर नष्ट भएका छन् । आगो फैलिएर छेडि साह तेलीको माही इलेक्ट्रोनिक पसलमा पनि आगलागी हुन पुगेको थियो, जसबाट उक्त पसलमा करिब ३ लाख रूपैयाँ बराबरको धनमाल नष्ट भएको छ ।
स्थानीय प्रहरी र अग्नि नियन्त्रण टोलीले आगो निभाउनको लागि तीव्र प्रयास गरेका थिए, तर ठूलो क्षति भएको हो । आगलागी के कारणले भयो भन्ने विषयमा अनुसन्धान जारी छ । यो घटनाले व्यवसायी र स्थानीय बासिन्दामा ठूलो क्षति पुर्याएको छ ।
Advertisement
