बारा । बारा जिल्लाको सिम्रौनगढ नगरपालिका ६ स्थित विद्युत कार्यालयको जिन्सी स्टोर रूममा शनिबार दिउँसो विद्युत सर्ट भई आगलागी भएको छ ।
स्थानीय प्रत्यक्षदर्शीका अनुसार आगलागी अचानक सुरु भएको थियो र त्यसले स्टोर रूममा रहेका सामग्रीमा क्षति पुर्याएको अनुमान गरिएको छ । हालसम्म आगलागीबाट भएको क्षतिको विस्तृत विवरण सार्वजनिक गरिएको छैन ।
उक्त आगलागी नियन्त्रणमा लिन सुरक्षाकर्मी र स्थानीयबासीले सक्रिय प्रयास गरेका थिए । विद्युत प्राधिकरण र सम्बन्धित निकायले आगलागीको कारण र क्षतिको मूल्यांकन गर्न अनुसन्धान सुरु गरिसकेको जनाइएको छ ।
Advertisement
