बारा । बारा जिल्लाको देवताल गाउँपालिका ७ बेनौलीमा बिहीबार राति भीषण आगलागी हुँदा करिब २ लाख १३ हजार रुपैयाँ बराबरको धनमाल नष्ट भएको छ ।
स्थानीय ललन महतोको नास्ता पसलसहित तीन जनाको पसलमा आगलागी भएको प्रहरीले जनाएको छ । ललन महतो देवताल गाउँपालिका ५ का स्थायी बासिन्दा हुन् ।
आगलागीको कारण खुल्न नसकेपनि प्रहरी तथा स्थानीयको सहयोगमा दमकल प्रयोग गरी आगो नियन्त्रणमा ल्याइएको थियो । घटनापछि इलाका प्रहरी कार्यालयले घटनास्थलमा पुगेर आवश्यक अनुसन्धान सुरु गरेको जनाएको छ ।
प्रहरीका अनुसार हालसम्म मानवीय क्षति भने नभएको जनाइएको छ । आगलागीबाट क्षति पुगेका पसलहरूमध्ये सबैजसो सामान्य व्यवसायमा संलग्न रहेका थिए । घटनाका सम्बन्धमा थप अनुसन्धान भइरहेको प्रहरीले जनाएको छ ।
Advertisement
