सर्लाही । सर्लाहीमा माटोको ढिस्कोले पुरिँदा चार जनाको मृत्यु भएको छ । सर्लाहीको हरिपुवा नगरपालिका १ हर्दी खोला किनारमा माटो खन्ने क्रममा ढिस्कोले पुरिँदा एकै परिवारका चार जनाको ज्यान गएको हो ।
जिल्ला प्रहरी कार्यालयका सहायक प्रवक्ता बलिष्ठर सिंहका अनुसार मृतकहरूमा सोनमा गाउँपालिका ६ मगरथानाकी ६५ वर्षीया सायदा खातुन, ६ वर्षीया सविवा खातुन, ८ वर्षीय डिल्लु मन्सुर र ९ वर्षीया नर्गिस खातुन रहेका छन् ।
घटनापछि स्थानीयले उनीहरूलाई उद्धार गरी प्रादेशिक अस्पताल मलङ्गवा पुर्याएका थिए । तर अस्पताल पुर्याए लगत्तै चिकित्सकहरूले चारै जनालाई मृत घोषणा गरेको हो ।
Advertisement
