रौतहट । रौतहटमा प्रहरीले अवैध रूपमा भारततर्फ गाई र गोरु लैजान लागेको आरोपमा शुक्रबार तीन व्यक्तिलाई पक्राउ गरेको छ । उनीहरूसँगै केही पशु पनि नियन्त्रणमा लिइएको छ, जबकि अन्य पशुधनी भाग्न सफल भएका छन् ।
ईशनाथ नगरपालिका १ स्थित लालबकैया नदीको बाँधमा प्रहरीको गस्ती टोलीले महम्मद गुफरान, ओहिद अन्सारी र मोहम्मद सम्सादलाई पक्राउ गरेको हो । पक्राउ गरिएको अवस्थामा उनीहरूले २ वटा गोरु, ४ वटा गाई र ३ वटा बाछो भारत लैजान लागेको थिए ।
डीएसपी एलिजा गिरीका अनुसार, पक्राउ गरिएका व्यक्तिहरूलाई गौर भन्सार कार्यालयमा कारबाहीका लागि पठाइएको छ । उनले भनिन्, “प्रहरीलाई देख्नासाथ पशुधनी भाग्न सफल भए, उनीहरूको खोजी जारी छ ।”
Advertisement
