तनहुँ । तनहुँमा एकपछि अर्को गर्दै ६ वटा गाडी ठोक्किँदा भयानक दुर्घटना भएको छ जसमा ४ जना घाइते भएका छन् । प्रहरीका अनुसार, बुधबार दिउँसो बन्दिपुर गाउँपालिका वडा नम्बर १, रिमाल्नीस्थित पृथ्बीराजमार्गमा यो दुर्घटना भयो जब यात्रुबाहक बसको ब्रेक फेल भयो ।
दमौलीबाट डुम्रेतर्फ जाँदै गरेको ना ५ ख २०३४ नम्बरको बसको ब्रेक फेल भएपछि, बस ग ३ ख १३९० नम्बरको ट्रकमा ठोक्कियो । ट्रकमा ठोक्किएपछि अनियन्त्रित भएको बसले ग ३ च ८३९० नम्बरको बलेरोलाई ठक्कर दियो । बलेरो गाडी फेरि ग १ ख ९५६१ नम्बरको अर्को बसमा ठोक्कियो ।
यस्तै, उक्त बसले ना १ च ८४३४ नम्बरको अर्को बलेरो गाडीलाई ठक्कर दिँदा, त्यो बलेरोले ना २ ख ३७८९ नम्बरको हाइसलाई ठक्कर दियो, जसका कारण यो श्रृंखलाबद्ध दुर्घटना भयो ।
घटनामा ग ३ च ८३९० नम्बरको बलेरो चालक २४ वर्षीय नवराज गोले, बलेरोमा सवार ५९ वर्षीय देवीलाल कडेल, ४९ वर्षीया बिमला कडेल, र ना १ च ८४३४ नम्बरको बलेरोका सहचालक ४६ वर्षीय निरतारिख बाबु घाइते भएका छन् । घाइते व्यक्तिहरूको उपचार लक्ष्मी अस्पताल डुम्रेमा भइरहेको प्रहरीले जनाएको छ ।
