रौतहट । रौतहटको गढिमाइ नगरपालिका ३ लक्ष्मिपुर र वडा नम्बर ६ धरमपुरस्थित बागमती नदीको बाँध फुट्दा बाढी बस्तीमा पस्न थालेको छ । बाँध भत्किएपछि आएको बाढीले लक्ष्मिपुरका सयौं बासिन्दालाई घर छाड्न बाध्य बनाएको छ, जसले गर्दा स्थानीयहरू आफ्नो सामान सुरक्षित स्थानमा लैजान हतारिएका छन् ।
धरमपुरको बाँध पनि भत्किँदा खेती योग्य जमिन डुबानमा परेको छ । पूर्वतर्फ बागमती र पश्चिमतर्फ लालबकैया नदीका साथै अन्य खोलाहरूमा एकैसाथ आएको बाढीले सदरमुकाम गौरसहित दर्जनौं बस्तीमा डुबानको खतरा बढेको छ, भनी जिल्ला प्रशासन कार्यालय रौतहटले जनाएको छ ।
अविरल वर्षाले उद्धार कार्यमा कठिनाइ थपिए पनि स्थानीय प्रशासनले बाढी नियन्त्रण र विपद् व्यवस्थापनका लागि प्रयास जारी राखेको जानकारी दिएको छ ।
Advertisement
