रौतहट । देवाही गोनाही नगरपालिका ८ गोनाही टोलमा गएराति आगलागी भएको छ । स्थानीय बासिन्दा धर्मेन्द्र महतोको गोठबाट सुरु भएको आगो फैलिँदै सोही टोलका देवेन्द्र महतोको गोठमा समेत पुगेको थियो ।
आगलागीले करिब पाँच लाख रूपैयाँ बराबरको धनमाल जलेर नष्ट भएको प्रारम्भिक अनुमान गरिएको छ । प्रहरीले स्थानीय बासिन्दाको सहयोगमा आगो नियन्त्रणमा लिन सफल भएको छ ।
अहिले प्रहरीले आगलागीको कारण पत्ता लगाउन र थप अनुसन्धान गर्न कार्य अघि बढाएको छ । आगलागीमा क्षति पुगेको क्षेत्रको निगरानी र सुरक्षा व्यवस्था सुदृढ पार्न पनि प्रशासनले पहल थालेको छ ।
Advertisement
Advertisement
