काठमाडौं । मालपोत कार्यालय, भैरहवा रूपन्देहीमा कार्यरत ओमबहादुर खाम्चाविरुद्ध सेवाग्राहीसँग दुई लाख रुपैयाँ घुस लिएको आरोपमा भ्रष्टाचार मुद्दा दायर भएको छ ।
अख्तियार दुरुपयोग अनुसन्धान आयोगका प्रवक्ता सुरेश न्यौपानेका अनुसार खाम्चाले जिर्ण श्रेस्ता कायम गरी अपुताली जग्गा नामसारी समेतका काम गरिदिए बापत सेवाग्राहीसँग घुस माग गरी मोलमोलाइ गरी दुई लाख रुपैयाँ लिएको पुष्टि भएको छ ।
भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुरमा बिगो रकम दुई लाख रुपैयाँ कायम गरी जरिवाना हुन मागदाबी लिई सोमबार विशेष अदालत काठमाडौंमा आरोपपत्र दायर भएको आयोगले जनाएको छ ।
Advertisement
Advertisement
