मेष (चु, चे, चो, ला, लि, लु, ले, लो, अ)
आज लक्ष्य प्रति एकाग्र भएर अघि बढ्दा सफलता हात पार्न सकिनेछ । मिहिनेत र आत्मविश्वासले रोकिएका काम समेत अघि बढ्नेछन् । नयाँ योजना तथा लगानीका क्षेत्रमा सकारात्मक अवसर मिल्न सक्छ । आँट र साहसिक प्रयासले आम्दानीका नयाँ बाटा खुल्ने संकेत छ । परिवारका सदस्यको सहयोगले मनोबल बढ्नेछ ।
वृष (इ, उ, ए, ओ, वा, वि, वु, वे, वो)
आज लामो समयदेखि मनमा रहेका आकाङ्क्षा पूरा हुने वातावरण बन्नेछ । तपाईंको मिहिनेत र लगनशीलताको उचित कदर हुनेछ । कर्म क्षेत्रमा जिम्मेवारी बढ्नुका साथै सम्मान र प्रतिष्ठा प्राप्त हुने सम्भावना छ । नयाँ अवसरलाई सही समयमा सदुपयोग गर्न सके आर्थिक लाभ समेत लिन सकिनेछ ।
मिथुन (का, कि, कु, घ, ङ, छ, के, को, ह)
सकारात्मक सोच र सक्रिय पहलले आज अपेक्षित सफलता दिलाउनेछ । कार्य क्षेत्रमा नयाँ जिम्मेवारी हात पर्न सक्छ, जसले तपाईंको क्षमता देखाउने अवसर प्रदान गर्नेछ । प्रतिष्ठा र प्रभाव बढ्ने समय भएकाले महत्वपूर्ण व्यक्तिसँगको भेटघाट फलदायी हुन सक्छ । नयाँ कामको सुरुवातका लागि पनि दिन अनुकूल देखिन्छ ।
कर्कट (हि, हु, हे, हो, डा, डि, डु, डे, डो)
आज मिहिनेतको प्रतिफल प्राप्त हुने दिन हो । कामका क्रममा केही अवरोध आएपनि धैर्य र संयमका साथ अघि बढ्दा उपलब्धि हासिल गर्न सकिनेछ । नयाँ जिम्मेवारी तथा अवसर प्राप्त हुन सक्छन् । तपाईंको कामको प्रशंसा हुनुका साथै सामाजिक तथा पारिवारिक क्षेत्रमा सम्मान बढ्ने सम्भावना छ ।
सिंह (मा, मि, मु, मे, मो, टा, टि, टु, टे)
पारिवारिक सहयोग र सहकार्यले आज महत्वपूर्ण काम सम्पन्न गर्न सहज हुनेछ । आफन्त वा साथीभाइसँगको सम्बन्ध अझ प्रगाढ बन्नेछ। छोटो वा लामो यात्राको योजना बन्न सक्छ । व्यवसाय तथा रोजगारीमा नयाँ सम्भावना देखिन सक्छ । आपसी समझदारी कायम राख्दा सम्बन्धमा स्थायित्व आउनेछ ।
कन्या (टो, प, पि, पु, ष, ण, ठ, पे, पो)
परीक्षा, प्रतिस्पर्धा तथा महत्वपूर्ण काममा सफलता प्राप्त हुने सम्भावना छ । कार्य क्षेत्रमा नयाँ जिम्मेवारी थपिन सक्छ, जसलाई पूरा गर्न अतिरिक्त समय दिनुपर्ने हुन सक्छ । आफ्नो ज्ञान, सीप र क्षमताको प्रयोगबाट राम्रो परिणाम निकाल्न सकिनेछ । कार्य क्षेत्र बाहिर पनि सामाजिक गतिविधिमा सक्रिय हुनुपर्ने अवस्था आउन सक्छ ।
तुला (रा, रि, रु, रे, रो, ता, ति, तु, ते)
आज आफ्ना आकाङ्क्षालाई सन्तुलित ढंगले अघि बढाउँदा राम्रो परिणाम प्राप्त हुनेछ । आत्मविश्वास बढ्नेछ भने रोकिएका काममा समेत प्रगति हुनेछ । आर्थिक तथा शैक्षिक क्षेत्रमा सकारात्मक परिणाम प्राप्त हुने संकेत छ । नयाँ अवसर आएमा सोच विचार गरेर निर्णय लिनु लाभदायक हुनेछ ।
वृश्चिक (तो, ना, नि, नु, ने, नो, या, यि, यु)
आर्थिक योजना बनाउँदा दीर्घकालीन पक्षलाई ध्यान दिनु उपयुक्त हुनेछ । पारिवारिक सहकार्यबाट महत्वपूर्ण निर्णय लिन सहज हुनेछ । कामको चाप भए पनि सन्तुलित व्यवहार कायम राख्न सके मानसिक शान्ति र सन्तुष्टि मिल्नेछ । अनावश्यक खर्च तथा विवादबाट टाढा रहनु राम्रो हुनेछ ।
धनु (ये, यो, भ, भि, भु, ध, फा, ढ, भे)
सहकार्य, धैर्य र समझदारीका साथ अघि बढ्दा आज धेरै समस्या समाधान गर्न सकिनेछ । लामो समयदेखि गर्न खोजेको काममा सन्तोषजनक उपलब्धि हासिल हुन सक्छ । साथीभाइ तथा सहकर्मीबाट सहयोग प्राप्त हुनेछ । अनावश्यक विवादमा संलग्न हुँदा काम बिग्रन सक्ने भएकाले संयम अपनाउनु हितकर हुनेछ ।
मकर (भो, ज, जि, खि, खु, खे, खो, गा, गि)
नयाँ काम वा योजना सुरु गर्न आजको दिन अनुकूल देखिन्छ । आर्थिक क्षेत्रमा क्रमिक सुधार हुँदै जानेछ भने आम्दानीका नयाँ स्रोतबारे सोच्न सकिनेछ । परीक्षा, अन्तर्वार्ता तथा प्रतिस्पर्धामा सफलता मिल्ने सम्भावना छ । मिहिनेत र योजनाबद्ध कामले अपेक्षित उपलब्धि हासिल गर्न सहयोग पुर्याउनेछ ।
कुम्भ (गु, गे, गो, सा, सि, सु, से, सो, द)
काम र परिवारबीच राम्रो सन्तुलन कायम गर्न सकिनेछ । कार्यशैलीमा रणनीतिक परिवर्तन गर्दा सकारात्मक परिणाम प्राप्त हुनेछ । आफ्नो ज्ञान, सीप र क्षमताको प्रदर्शन गर्ने महत्वपूर्ण अवसर आउन सक्छ । सहकर्मी तथा परिवारका सदस्यसँग राम्रो समन्वय कायम राख्दा थप लाभ मिल्नेछ ।
मीन (दि, दु, थ, झ, ञ, दे, दो, च, ची)
व्यावसायिक तथा आर्थिक सम्बन्धमा आज विशेष सावधानी अपनाउनु उपयुक्त हुनेछ । हतारमा निर्णय लिनुभन्दा सबै पक्ष बुझेर अघि बढ्नु राम्रो हुनेछ । स्वास्थ्यमा क्रमिक सुधार देखिनेछ र मानसिक रूपमा पनि राहत महसुस हुन सक्छ । प्रतिस्पर्धी वा गोप्य रूपमा विरोध गर्ने व्यक्तिबाट भने सतर्क रहनु आवश्यक छ ।
