सिरहा । सिरहाको सुखीपुर नगरपालिका १० लालसैया दुर्गा मन्दिरको पूर्वस्थित गागन खोलाको किनारमा एक युवकको शव फेला परेको छ । जिल्ला प्रहरी कार्यालय सिरहाका सूचना अधिकारी डीएसपी वीरेन्द्र कुमार पासवानका अनुसार, शव सोमबार अपराह्न अन्दाजी २० वर्षीय युवकको भएको पुष्टि भएको छ ।
यस घटना बारे अनुसन्धान गर्न प्रहरी टोली घटनास्थलमा पुगेको छ । शवलाई पोस्टमार्टमका लागि प्रादेशिक अस्पताल लहानमा पठाइएको छ । शवको पहिचान र मृत्युको कारणका बारेमा थप जानकारी आउन बाँकी छ । प्रहरी यस घटनामा संलग्न व्यक्तिहरूको खोजी गरिरहेको छ ।
Advertisement
