काठमाडौं । मधेस प्रदेशमा चालू आर्थिक वर्षमा १५ लाख २ हजार ४ सय ५८ मेट्रिकटन धान उत्पादन भएको छ, जुन गत वर्षको तुलनामा २ लाख ५ हजार २ सय ५१ मेट्रिकटन बढी हो । कृषि प्रसार अधिकृतका अनुसार, यस वर्ष धान उत्पादनमा वृद्धि भएको मुख्य कारण भनेको समयमै पानीको आपूर्ति, मल र बीउको सहज उपलब्धता रहेको छ ।
गत वर्षको तुलनामा यस वर्ष ५ हजार २ सय हेक्टर बढी जमिनमा धानखेती गरिएको छ, र प्रतिहेक्टर उत्पादन ३.५० मेट्रिकटनबाट बढेर ४ मेट्रिकटन पुगेको छ । सबैभन्दा बढी धान सप्तरीमा उत्पादन भएको छ, जबकि रौतहटमा उत्पादन सबैभन्दा कम भएको छ ।
सप्तरीमा २ लाख ६१ हजार १ सय २० मेट्रिकटन, रौतहटमा १ लाख ५० हजार ४ सय ८० मेट्रिकटन, पर्सामा १ लाख ८४ हजार ७ सय ४९ मेट्रिकटन, सर्लाहीमा १ लाख ८२ हजार १ सय ६० मेट्रिकटन र धनुषामा १ लाख ६६ हजार २ सय ६० मेट्रिकटन धान उत्पादन भएको छ । खाद्य व्यवस्था तथा व्यापार कम्पनी लिमिटेडले धान खरिद प्रक्रिया पनि सुरु गरेको जनाएको छ ।
