कैलाली । धनगढी उपमहानगरपालिका १७ धुर्जन्ना दिपनगर टोलका ३० वर्षीय प्रकाश बोहरालाई आफ्नै दाजु ३५ वर्षीय लालबहादुर बोहराको हत्या गरेको आरोपमा प्रहरीले पक्राउ गरेको छ ।
प्रकाशले विवादका क्रममा कैंची प्रहार गर्दा गम्भीर घाइते भएका लालबहादुरलाई निसर्ग अस्पताल, धनगढीमा उपचारका लागि लगिएको थियो । तर उपचारकै क्रममा लालबहादुरको मृत्यु भएको प्रहरीको भनाइ छ ।
घटना भएको सूचना प्राप्त हुनासाथ प्रहरी चौकी कनरीबाट खटिएको टोलीले प्रकाशलाई पक्राउ गरेको हो । प्रहरीले घटना बारे थप अनुसन्धान गरिरहेको जनाएको छ ।
स्थानीयवासीका अनुसार घटना आपसी विवादका कारण भएको अनुमान गरिएको छ । घटनाले क्षेत्रका बासिन्दा माझ शोकको स्थिति सिर्जना गरेको छ ।
Advertisement
