मेष (चु, चे, चो, ला, लि, लु, ले, लो, अ)
आज आर्थिक लेनदेनमा विशेष सावधानी अपनाउनु पर्ने देखिन्छ । कारोबारका क्रममा अनावश्यक झंझट उत्पन्न हुन सक्छ । स्वास्थ्य पक्ष भने सकारात्मक रहनेछ । दिउँसो १ बजेदेखि ३:३० बजेसम्मको समय महत्वपूर्ण कामका लागि अनुकूल रहनेछ । आज पितृ तथा गुरुजनको सम्मान र आशीर्वाद लिनु शुभ फलदायी हुनेछ ।
वृष (इ, उ, ए, ओ, वा, वि, वु, वे, वो)
निर्माण वा भौतिक संरचनासँग सम्बन्धित काममा संलग्न हुने अवसर मिल्न सक्छ । आत्मविश्वास र मनोबल बढ्नेछ । आफ्नो ज्ञान तथा विवेकको उचित प्रयोग गर्न सके अपेक्षित परिणाम हात लाग्नेछ । आज सेतो रङका वस्तुको प्रयोग गर्नु शुभ मानिन्छ ।
मिथुन (का, कि, कु, घ, ङ, छ, के, को, ह)
आज कुराकानीकै कारण विवाद निम्तिन सक्ने भएकाले बोलीमा संयम अपनाउनुहोस् । आर्थिक लाभ प्राप्त हुने सम्भावना छ । सन्तान पक्षबाट खुसी मिल्नेछ । अनावश्यक झगडा वा विवाद भइरहेको स्थानमा सहभागी नहुनु नै हितकर हुनेछ ।
कर्कट (हि, हु, हे, हो, डा, डि, डु, डे, डो)
धार्मिक तथा सामाजिक गतिविधिमा सहभागी हुने अवसर प्राप्त हुनेछ । छोटो दूरीको यात्रा हुन सक्छ । आमा बुबाबाट सहयोग, माया र सुख प्राप्त हुनेछ । बिहान केराको बोटमुनि भगवान् विष्णुको स्मरण गर्दै दीप प्रज्वलन गर्नु शुभ मानिन्छ ।
सिंह (मा, मि, मु, मे, मो, टा, टि, टु, टे)
आज भाग्यले साथ दिनेछ । लामो समयदेखि रोकिएका कामहरू क्रमश: अघि बढ्नेछन् । नयाँ अवसर समेत प्राप्त हुन सक्छ । तर साँझपख आर्थिक कारोबार गर्दा समस्या आउन सक्ने भएकाले त्यस समयमा लेनदेन नगर्नु राम्रो हुनेछ । चामलमा बेसार मिसाएर दान गर्दा शुभ फल मिल्ने विश्वास छ ।
कन्या (टो, प, पि, पु, ष, ण, ठ, पे, पो)
प्रेम तथा सम्बन्धका विषयमा असमझदारी बढ्न सक्छ । आर्थिक अवस्थाले केही तनाव सिर्जना गर्न सक्छ र त्यसको प्रभाव मनमा समेत पर्न सक्छ । धार्मिक तथा आध्यात्मिक गतिविधितर्फ रुचि बढ्नेछ । आज व्यक्तिगत सरसफाइ र स्वास्थ्यमा विशेष ध्यान दिनुहोस् ।
तुला (र, रि, रु, रे, रो, ता, ति, तु, ते)
कार्य क्षेत्रमा जिम्मेवारी र कामको चाप बढ्नेछ । नयाँ परिकारको स्वाद लिनुका साथै नयाँ कपडा प्राप्त हुने योग छ । दाँत, नङ वा कपालसँग सम्बन्धित सामान्य समस्या देखिन सक्छ । दिनको सुरुवात भगवान् विष्णुलाई सेतो फूल अर्पण गरेर गर्नु शुभ मानिन्छ ।
वृश्चिक (तो, ना, नि, नु, ने, नो, या, यि, यु)
मन उत्साहित र प्रसन्न रहनेछ । बिहान ७ बजेदेखि ११ बजेसम्मको समय विशेष फलदायी देखिन्छ । त्यसपछि मानसिक दबाब बढ्न सक्ने भएकाले आर्थिक तथा व्यावसायिक निर्णयमा हतार नगर्नुहोस् । आज आफ्नो कर्मप्रति विश्वास राख्दै धैर्यपूर्वक अघि बढ्नु नै लाभदायक हुनेछ ।
धनु (ये, यो, भ, भि, भु, ध, फा, ढ, भे)
विश्वास गरेको नजिकको व्यक्तिबाट निराशा वा धोका मिल्न सक्छ । वस्तुको खरिद बिक्रीबाट फाइदा उठाउने अवसर प्राप्त हुनेछ । पशुपालन तथा कृषि क्षेत्रसँग जोडिएका कामबाट आर्थिक लाभ मिल्ने सम्भावना छ । कुनै पनि निर्णय लिनुअघि सबै पक्षलाई विचार गर्नुहोस् ।
मकर (भो, ज, जि, खि, खु, खे, खो, गा, गि)
बिहानैदेखि उत्साह बढाउने खालका समाचार सुन्न पाइनेछ । विगतमा बिग्रिएका सम्बन्धमा सुधार आउने सम्भावना छ । प्रेम सम्बन्धमा नजिकिने अवसर प्राप्त हुन सक्छ । दिनको सुरुवात आफ्ना इष्टदेवलाई दही अर्पण गरेर गर्दा शुभ फल प्राप्त हुने विश्वास छ ।
कुम्भ (गु, गे, गो, सा, सि, सु, से, सो, द)
आज शरीरमा थकान वा दुखाइ महसुस हुन सक्छ । शनिको प्रभावका कारण काममा सामान्य अवरोध तथा झंझट आउन सक्छ । प्रेम सम्बन्धमा भने सफलता मिल्नेछ र पारिवारिक वातावरण सामान्यत: स्थिर रहनेछ । दाम्पत्य सम्बन्धमा केही असमझदारी देखिन सक्छ । बिहान श्रीमहाकालीको स्मरण गरी दिनको सुरुवात गर्नु शुभ हुनेछ ।
मीन (दि, दु, थ, झ, ञ, दे, दो, च, चि)
स्वास्थ्यमा पेटसम्बन्धी समस्या देखिन सक्छ । सन्तानका कारण केही तनाव उत्पन्न हुन सक्नेछ भने घर परिवारमा सामान्य विवादको अवस्था आउन सक्छ । आर्थिक पक्ष भने क्रमश: बलियो बन्नेछ । आज खानपानमा विशेष सावधानी अपनाउँदै स्वच्छ तथा शुद्ध भोजनमा ध्यान दिनुहोस् ।
