एजेन्सी । आजकल धेरैजसो मानिसहरू वैवाहिक जीवनबाट तंग भएर तुरुन्तै सम्बन्धविच्छेद (तलाक) गर्ने निर्णय गर्छन्, जसको असर विशेष गरी बालबालिकामा पर्छ । केहीले सम्बन्धविच्छेदपछि आजीवन एकल रहने निर्णय गर्छन् भने केहीले आफूलाई दोस्रो मौका दिँदै पुन: विवाह गर्ने सोच राख्छन् । यसमा कहिले पुरुषले त कहिले महिलाले दोस्रो विवाहको निर्णय गर्छन् ।
आज हामी सामाजिक सञ्जालमा भाइरल भइरहेको एउटा भिडियोको बारेमा चर्चा गर्नेछौँ । यो भिडियोको शीर्षक छ, “के तपाईँ मेरो जस्तो तलाकशुदा महिलासँग डेट गर्न चाहनुहुन्छ ?” यस भिडियोमा एक तलाकशुदा महिला आफ्नो छोरीसँग देखिएकी छिन् र उनले सोधिरहेकी छिन् कि के कोही पुरुष उनीसँग पुन: विवाह गर्न चाहन्छ ?
भाइरल भएको यो भिडियो @insyder_havy नामक इन्स्टाग्राम अकाउन्टबाट साझा गरिएको हो । भिडियोमा एक सुन्दर र जवान महिलालाई आफ्नो सानी छोरीसँग हाँस्दै मुस्कुराउँदै भिडियो बनाउन देख्न सकिन्छ । तर, भिडियोमा लेखिएको विवरणले थाहा हुन्छ कि ती महिला तलाकशुदा हुन् ।
महिलाले भिडियोमा उल्लेख गरेकी छिन् कि उनले दुई वर्षअघि आफ्ना पतिसँग सम्बन्धविच्छेद गरेकी थिइन् । अहिले उनी एकल आमाको रूपमा छोरीलाई हुर्काउँदैछिन्, तर छोरीलाई एक्लै पाल्ने हिम्मत छैन । त्यसैले उनी आफ्नो लागि पुन: एक मर्दको खोजीमा छिन्, जो छोरीलाई पाल्नमा मद्दत गर्ने होस् ।
यो भिडियो इन्स्टाग्राममा तीव्र रूपमा भाइरल भइरहेको छ । हालसम्म यो पोस्टलाई २ लाख २१ हजारभन्दा बढी पटक हेरिएको छ र हजारौँले यसलाई लाइक र शेयर गरेका छन् । भिडियोमा १७ सयभन्दा बढीले कमेन्ट गरेका छन् । एक प्रयोगकर्ताले कमेन्ट गर्दै लेखेका छन्, “यो धेरै पीडादायी छ, तर भगवान् तपाईँको रक्षा गरून् ।”
अर्का प्रयोगकर्ताले भने, “आजको समयमा राम्रो मानिस भेट्टाउन गाह्रो छ, किनकि हरेक व्यक्ति आफ्नो बारेमा मात्र सोच्दछ । तर, म तपाईँलाई माया गर्छु र चाहन्छु कि तपाईँले पनि जीवनलाई राम्रोसँग बाँच्नुहोस् ।”
