सर्लाही । सर्लाहीको ट्राफिक व्यवस्थापनका लागि जिल्ला ट्राफिक प्रहरी कार्यालय उदासिन देखिएको छ । ट्राफिक व्यवस्थापनमा ट्राफिकले कन्जुस्याई गरेपछि यतिवेला सर्लाही जिल्लाका विभिन्न चोक, गल्ली तथा सडकहरु ट्राफिक व्यवस्थापनका अस्तब्यस्त हुँदै गएका छ ।
सर्लाहीको लालबन्दी नगरपालिका स्थित लालबन्दीको मुख्य चौक देखि बजार क्षेत्र समेत ट्राफिक व्यवस्थापनको कमजोरीका कारण अस्तव्यस्त बनेको छ । यसले शहरको सौन्दर्यमा ह्रास त ल्याएको नै छ नगरवासीमा समेत हिनता बोध हुन थालेको छ ।
जिल्लाको ट्राफिक ब्यावस्थापन खस्कँदै जान थालेको छ । जिल्ला ट्राफिक प्रहरी कार्यालय सर्लाही मातहतका ट्राफिक प्रहरी युनिटहरुले जिल्लाका मुख्य चोक, बजारकै ट्राफिक ब्यवस्थापन राम्रोसँग नगरेका कारण सवारी दुर्घटनाको खतरा बढदै जान थालेको स्थानीय राम पूकार महतोले बताउनु भयो ।
जिल्लाका विभिन्न शहरहरुमा, मुख्य चौकहरुमा सडक खण्डमा दोहोरो पार्किङ गरेर राखिएका सवारी साधनहरुकै कारण सवारी दुर्घटनाको खतरा बढ्दै जान थालेको स्थानीय व्यापारीको बताएका छन् ।
जिल्ला सदरमुकाम मलंगवा, जिल्लाको मुख्य बजार लालबन्दी, हरिवन, बरथवा, बयलवास लगायतका मुख्य बजार तथा चोकहरुमा सवारीको मनलाग्दी पार्किङका कारण समस्या उत्पन्न हुँदै आएको हो ।
दिनभरी चोकमा बस्ने ट्राफिक प्रहरीले दाँया बाँया नहेर्ने गरेका कारण पुर्व पश्चिम लोकमार्गमै मनलाग्दी सवारी पार्किङले सवारी दुर्घटनाको बड्दै जाँदा समेत ट्राफिक प्रहरीको ध्यान जान नसकेको स्थानीय राम पूकार महतोले बताएका छन् ।
ब्यस्त रहने शहरमा सबारी साधनको जाम हटाउन सर्लाही ट्राफिक प्रहरी उदासिन देखिएका छ । विषेश गरी मलंगवा, हरिवन नवलपूर, बयलवास बरहथवा र लालबन्दीको मुख्य चोक क्षेत्रमा ट्राफिक व्यवस्थापन अस्तव्यस्त बनेको छ । मुख्य चोक क्षेत्रमा अस्तव्यस्त तरीकाले सवारीसाधन पार्किङ समेत हुंदै आएको छ ।
यता मलंगवा, हरिवन, बयलवास, बरहथवा र लालबन्दी सडकमा खूल्ला रुपमा सवारि पार्किङ ग्रनाले सडक क्षेत्रमा सवारी आवगमनमा समस्या हुने गरेको सवारी चालक जिबन दाहालले गुनासो गरेका छन् । एकातिर जनशक्ति अभावका कारण ट्राफिक व्यवस्थापन गर्न नसक्दा ट्राफिक प्रहरीले समस्या भोगिरहेको छौ भनेर ट्राफिक प्रहरीले पन्छीने गरेको छ ।
अर्कोतर्फ नेपाल प्रहरीलाई ट्राफिक व्यवस्थापनमा रत्तिभरी पनि वास्ता नै छैन । जसका कारण सर्लाहीको ट्राफिक व्यवस्थापन हिजोभन्दा आज दिन प्रतिदिन अस्तव्यस्त बनिरहेको छ । ट्राफिक कार्यालयमा नयाँ ट्राफिक प्रहरी प्रमूख आएसगैं ट्राफिक व्यवस्थापनमा सुधार आउने अपेक्षा राखेको सर्लाहीबासीले भद्रगोल ट्राफिक व्यवस्थापनका कारण सास्ती भोग्नु परेको छ ।
सर्लाहीका ट्राफिक प्रहरी प्रमुख इश्वर कार्कीलाई यहाँको ट्राफिक व्यवस्थापनमा कुनै चासो छैन् । उनी सर्लाहीमा आएदेखि नै मोटो रकम असुलीमा व्यस्त रहँदै आएको ट्राफिक प्रहरीहरु नै बताउँछन् ।
