काठमाडौं । सर्लाही र रौतहटलाई जोड्ने पूर्वपश्चिम राजमार्गस्थित बागमती नदीमाथिको पुल जीर्ण बनेपछि मर्मत कार्य थालिएको छ । पुलको पाँच नम्बर स्पानको ‘ब्यारिङ प्याडेस्टल’ फुटेपछि फागुन १ गतेसम्म यातायात बन्द गरिने भएको छ ।
पुल मर्मतका लागि सम्बन्धित निकायहरूले तत्काल काम थाल्ने निर्णय गरेका छन् । पुल जीर्ण बनेपछि यातायातका साधनहरू आवतजावत गर्न नसक्ने भएकाले वैकल्पिक व्यवस्था अपनाउन यातायात व्यवसायी र सर्वसाधारणलाई आग्रह गरिएको छ ।
यातायात बन्द हुँदा यात्रु तथा व्यवसायीहरूलाई असुविधा हुन सक्ने भएकाले वैकल्पिक मार्गहरूको प्रयोग गर्न सम्बन्धित पक्षलाई अनुरोध गरिएको छ । पुल मर्मतपछि यातायात पुनः सुचारु गरिने जनाइएको छ ।
Advertisement
