धनगढी । कैलालीमा ट्रकको ठक्करबाट मोटरसाइकल चालकको मृत्यु भएको छ । ट्रकको ठक्करबाट कञ्चनपुर बेलौरीका ५० वर्षीय बसन्तराज शर्माको मृत्यु भएको प्रहरीले जनाएको छ ।
पूर्वपश्चिम राजमार्गअन्तर्गत पश्चिमबाट पूर्वतर्फ गइरहेको सु.प.प्र. ०१००८ प ५४७५ नम्बरको मोटरसाइकललाई विपरित दिशाबाट आइरहेको लु १ ख ४६६६ नम्बरको ट्रकले कैलालीको घोडाघोडी नगरपालिका–५, डोकेबजारमा शनिबार ठक्कर दिँदा शर्माको मृत्यु भएको कैलाली प्रहरीले जनाएको छ ।
ट्रकले ठक्कर दिँदा घाइते भएका शर्माको सुखडस्थित घोडाघोडी अस्पतालमा उपचारको क्रममा मृत्यु भएको सुदूरपश्चिम प्रदेश ट्राफिक कार्यालय अत्तरियाले जनाएको छ । ट्रक चालक फरार रहेको र उनको खोजीकार्य भइरहेको प्रहरीले जनाएको छ ।
Advertisement
Advertisement
