एजेन्सी । डोनाल्ड ट्रम्प अमेरिकाको राष्ट्रपतिमा निर्वाचित भएका छन्, तर उनलाई पद सम्हाल्न कम्तिमा जनवरी २० सम्म प्रतीक्षा गर्नुपर्नेछ । अमेरिकी राष्ट्रपति चुनावको परम्परा अनुसार, पुरानो राष्ट्रपतिले नयाँ निर्वाचित राष्ट्रपतिलाई सत्ता हस्तान्तरण गर्छन् । यस प्रक्रियामा नयाँ राष्ट्रपतिको शपथ ग्रहण जनवरी २० मा हुनेछ, र यस बीचमा वर्तमान राष्ट्रपति जो बाइडेन ह्वाइट हाउसमा कायम रहनेछन्, तर उनका अधिकार सीमित हुनेछन् ।
प्रेसिडेन्सियल ट्रान्जिसन के हो ?
निर्वाचन जितेपछि शपथ ग्रहणसम्मको अवधि “प्रेसिडेन्सियल ट्रान्जिसन” भनिन्छ । यस अवधिमा, निर्वाचित राष्ट्रपतिको टोलीले प्रशासनको तयारी गर्छ र पुरानो प्रशासनले नयाँ राष्ट्रपति र उनका टिमलाई महत्वपूर्ण जानकारी हस्तान्तरण गर्छ । यस प्रक्रियामा सीआईए र अन्य गुप्तचर संस्थाहरूको जानकारी पनि सामेल हुन्छ ।
ट्रान्जिसनको उद्देश्य
ट्रान्जिसन प्रक्रिया यसलागि बनाइएको हो कि, नयाँ राष्ट्रपति २० जनवरीमा शपथ लिएका बेला कुनै काम रोकिन नपरोस् । यसले पुरानो प्रशासनलाई नयाँ राष्ट्रपतिको टिमलाई संसाधन र जानकारी हस्तान्तरण गर्न सहयोग पुर्याउँछ ।
ट्रान्जिसनको तयारी
प्रेसिडेन्सियल ट्रान्जिसन ऐन अनुसार, ट्रान्जिसन प्रक्रिया निर्वाचनको नतिजा आएपछि सुरु हुन्छ । यसमा उम्मेदवारका टोलीलाई सरकारी सहयोग र आवश्यक संसाधन प्रदान गरिन्छ । यस वर्ष, ट्रम्पको ट्रान्जिसन टोलीलाई जीएसए ६० लाख डलर उपलब्ध गराउने व्यवस्था गरिएको छ ।
कार्यकारी आदेश र अन्य तयारी
ट्रान्जिसन प्रक्रियामा कार्यकारी आदेश, व्यवस्थापकीय एजेन्डा, बजेट प्रस्ताव, र सम्भावित कानूनी योजनाहरूको तयारी गरिन्छ । यससँगै, प्रमुख नियुक्तिहरू पनि गर्नुपर्ने हुन्छ, जसमा सिनेटको अनुमोदन आवश्यक पर्ने नियुक्तिहरूको संख्या १,२०० भन्दा बढी छ ।
ट्रान्जिसनको समयसीमा
सामान्यतया, ट्रान्जिसनको प्रक्रिया ११ सातासम्म लिन्छ, जुन निर्वाचनको दिनदेखि शपथ ग्रहणसम्मको समय हो । यदि मतगणनामा ढिलाइ नहोस् भने, यस वर्षको ट्रान्जिसन प्रक्रिया नियमित समयमा पूरा हुने अपेक्षा गरिएको छ ।
