एजेन्सी । हरेक विवाहित महिला आमा बन्ने खुशी चाहन्छन् । यदि प्रेग्नेंसी ढिलो हुन थाल्यो भने, मानिसहरू के समस्या हो भनेर अस्पताल जान थाल्छन् । सबै प्रयासका बाबजुद पनि महिला गर्भवती हुन नसकेमा मानिसहरूले आईभीएफको सहारा लिन्छन् ।
तर, आज हामी तपाईलाई एक महिलाको बारेमा बताउन गइरहेका छौँ जो आफ्नो मिल्ने साथीको सन्तानकी आमा बन्न लागेकी छिन् । जबकि महिला र उनका श्रीमानले यसअघि नै सन्तान नचाहेको निर्णय गरेका थिए ।
२६ वर्षीया महिलाले रेडिटमा आफ्नो कथा सेयर गरेकी छन् । उनले आफू र उनका श्रीमानले सन्तान नचाहेको लेखेकी छन् । तर अब उनी आफ्नो मिल्ने साथीको सन्तानकी आमा बन्न लागेकी छिन् ।
विस्तृत व्याख्या गर्दै उनले आफ्नो विशेष साथी समलिङ्गी भएको लेखेकी छन्, जो आफ्नो पार्टनरसँग बस्छन् । उनीहरु दुबैको चाहना थियो कि म उनीहरुको बच्चाको आमा बनुँ । यस्तो अवस्थामा मैले उनीहरूलाई सहयोग गर्ने निर्णय गरें । तर मैले यो कुरा मेरो श्रीमानलाई भनेपछि उनी रिसाए ।
महिलाले आफू अर्का पुरुषसँग गर्भवती भएको कुरा आफ्नो पतिलाई मन नपरेको लेखेकी छिन् भने महिलाले पतिलाई पूर्ण रूपमा बुझाउने प्रयास गर्दै आमा नभई हामी दुवै जना काका र काकी हुने बताइन् ।
यो पोस्टमा धेरैले कमेन्ट गरेका छन् । एक जनाले लेखेका छन् कि तपाईले यो जोडीको बच्चालाई जन्म दिन सक्नुहुन्छ वा आफ्नो पतिको बच्चालाई । यो तपाईको रोजाइको कुरा हो ।
