काठमाडौं । देशभर पश्चिमी वायु र स्थानीय वायुमण्डलीय प्रणालीको प्रभाव रहेको मौसम पूर्वानुमान महाशाखाले जानकारी दिएको छ । महाशाखाका अनुसार हाल बिहान देशका पहाडी क्षेत्रमा आंशिक बदली छ भने अन्य क्षेत्रमा मौसम प्रायः सफा रहिरहेको छ ।
सोमबार दिउँसो पनि पहाडी क्षेत्रहरूमा आंशिक बदली कायम रहनेछ, जबकि अन्य स्थानहरूमा आंशिक बदलीदेखि मौसम मुख्यतया सफा रहनेछ । पहाडी क्षेत्रका एक दुई स्थानमा मेघगर्जन र चट्याङसहित हल्का वर्षा हुने सम्भावना छ ।
राति पनि पहाडी क्षेत्रमा आंशिक बदली रहनेछ भने अन्य क्षेत्रमा मौसम प्रायः सफा नै रहनेछ । विशेष गरी कोशी र गण्डकी प्रदेशका पहाडी क्षेत्रका केही स्थानमा मेघगर्जन र चट्याङसहित हल्का वर्षाको सम्भावना रहेको महाशाखाले जनाएको छ ।
Advertisement
