मेष राशि (चु, चे, चो, ला, लि, लु, ले, लो, अ)
शैक्षिक तथा बौद्धिक क्षेत्रमा सफलता प्राप्त हुने सम्भावना छ । परीक्षा र प्रतिस्पर्धात्मक गतिविधिमा सकारात्मक नतिजा आउन सक्छ । सिर्जनात्मक क्षेत्रमा संलग्न व्यक्तिका लागि उपलब्धिमूलक समय रहनेछ । व्यापार तथा रोजगारीबाट भने मध्यम लाभ मिल्ने देखिन्छ ।
वृष राशि (इ, उ, ए, ओ, बा, बि, बु, बे, बो)
कामकाजमा रुचि कम हुने र निर्णय लिन अन्योल उत्पन्न हुन सक्नेछ । पारिवारिक तथा सामाजिक सम्बन्धमा असमझदारी बढ्न सक्छ । आफन्त र सहयोगीबाट अपेक्षित साथ नपाइन सक्ने भएकाले संयमित भएर अघि बढ्नु उचित हुनेछ ।
मिथुन राशि (का, कि, कु, घ, ङ, छ, के, को, ह)
आत्मविश्वास र पराक्रम बढ्ने समय छ । महत्त्वाकांक्षी योजनालाई अघि बढाउन सकिनेछ । दाजुभाइ तथा निकट साथीबाट सहयोग प्राप्त हुनेछ । अध्ययन र व्यवसाय दुवै क्षेत्रमा सकारात्मक उपलब्धि हासिल हुने सम्भावना छ ।
कर्कट राशि (हि, हु, हे, हो, डा, डि, डु, डे, डो)
व्यावसायिक क्षेत्रबाट मध्यम लाभ प्राप्त हुन सक्छ । पारिवारिक वातावरण सन्तोषजनक रहनेछ । अध्ययनप्रति रुचि बढ्दा विद्यार्थीले राम्रो प्रगति गर्न सक्नेछन् । पारिवारिक जमघट र मित्रतापूर्ण सम्बन्ध विस्तारका अवसरसमेत मिल्न सक्छन् ।
सिंह राशि (मा, मि, मु, मे, मो, टा, टि, टु, टे)
आर्थिक लाभ र पारिवारिक सुखका दृष्टिले दिन अनुकूल रहनेछ । व्यापार व्यवसायबाट अपेक्षित आम्दानी हुन सक्छ । रोजगारीमा पदोन्नति वा सम्मान प्राप्त हुने सम्भावना छ । विद्यार्थीका लागि अध्ययन तथा परीक्षामा सफलता मिल्ने योग छ ।
कन्या राशि (टो, प, पि, पु, ष, ण, ठ, पे, पो)
दैनिक कामको चाप र खर्च बढ्न सक्छ । आर्थिक निर्णय लिँदा विशेष सावधानी अपनाउनु आवश्यक छ । पारिवारिक र व्यावसायिक जिम्मेवारीबीच सन्तुलन कायम गर्न कठिनाइ हुन सक्छ । व्यस्तताका कारण अध्ययनका लागि पर्याप्त समय छुट्याउन नसकिने सम्भावना छ ।
तुला राशि (र, रि, रु, रे, रो, ता, ति, तु, ते)
विगतमा गरेका प्रयासबाट लाभ प्राप्त हुन सक्छ । आर्थिक अवस्थामा सुधार आउने र शैक्षिक नतिजा अपेक्षाअनुसार प्राप्त हुने सम्भावना छ । पारिवारिक वातावरण सुखद रहनेछ । प्रेम सम्बन्धमा विश्वास र आत्मीयता बढ्न सक्छ । छोटो दूरीको यात्राको योगसमेत देखिन्छ ।
वृश्चिक राशि (तो, ना, नि, नु, ने, नो, या, यि, यु)
नयाँ योजना सुरु गर्न तथा व्यवसाय विस्तार गर्न अनुकूल समय छ । लगानीका अवसर खोज्ने र नयाँ काम अघि बढाउने सम्भावना छ । सामाजिक प्रतिष्ठा बढ्न सक्छ । अध्ययन तथा अनुसन्धानमा संलग्न व्यक्तिले पनि उल्लेखनीय प्रगति गर्न सक्नेछन् ।
धनु राशि (ये, यो, भ, भि, भु, ध, फा, ढ, भे)
धार्मिक तथा सामाजिक गतिविधिमा सहभागी हुने अवसर मिल्न सक्छ । यद्यपि, बोली र व्यवहारमा संयमता नअपनाउँदा विवाद उत्पन्न हुन सक्छ । हतारमा निर्णय गर्दा पछुताउनु पर्ने अवस्था आउन सक्ने भएकाले सोच विचार गरेर अघि बढ्नु उचित हुनेछ । शैक्षिक र पारिवारिक पक्ष सामान्य रहनेछ ।
मकर राशि (भो, ज, जि, खि, खु, खे, खो, गा, गि)
काममा सावधानी अपनाउनु पर्ने समय छ । सवारी साधन तथा औजार प्रयोग गर्दा विशेष सतर्कता आवश्यक हुनेछ । प्रतिस्पर्धात्मक क्षेत्रमा चुनौती सामना गर्नुपर्ने र सहकर्मी वा प्रतिस्पर्धीबाट अवरोध आउन सक्ने सम्भावना छ । अध्ययनमा अल्छीपनले असर पार्न सक्छ ।
कुम्भ राशि (गु, गे, गो, सा, सि, सु, से, सो, द)
कामको सिलसिलामा यात्रा हुन सक्छ, जसबाट आर्थिक लाभ प्राप्त हुने सम्भावना छ । बोली प्रभावकारी बन्ने भएकाले संवाद र सम्बन्ध सुधारमा सहयोग पुग्नेछ । प्रेम तथा वैवाहिक जीवनमा आत्मीयता बढ्न सक्छ । विद्यार्थीले अध्ययनमा राम्रो प्रगति गर्न सक्नेछन् ।
मीन राशि (दि, दु, थ, झ, ञ, दे, दो, च, चि)
नयाँ योजना अघि बढाउन, लगानी गर्न वा व्यवसाय सुरु गर्न अनुकूल समय छ । स्वास्थ्य, प्राविधिक तथा सेवा क्षेत्रमा कार्यरत व्यक्तिका लागि सफलता प्राप्त हुने सम्भावना छ । पारिवारिक र प्रेम सम्बन्धमा सन्तुलन कायम रहँदा मन प्रसन्न रहनेछ ।
