काठमाडौं । काठमाडौंको धुम्बाराहीस्थित प्रोलिफिक सेकेन्डरी विद्यालयका प्रधानाध्यापक गोपालबहादुर महतलाई नक्कली परीक्षार्थी प्रयोग गरेर कक्षा १२ को परीक्षा दिन लगाउने अभियोगमा काठमाडौं जिल्ला अदालतले ६ महिना कैद र पाँच हजार रुपैयाँ जरिवाना तोकेको छ ।
न्यायाधीश कपिलमणि गौतमको इजलासले यस विषयमा फैसला गरेका हुन्, जसको पूर्णपाठ आइतबार सार्वजनिक भयो । महतले विद्यालयका विद्यार्थीहरूको कम संख्या देखाउँदै आर्थिक समस्या समाधानका लागि पाँच जना नक्कली परीक्षार्थी खडा गरेर परीक्षा दिन लगाएको अभियोग स्वीकार गरेका थिए ।
गत वैशाखमा भएको कक्षा १२ को परीक्षामा, सात जना वास्तविक विद्यार्थीको संख्यालाई १२ पुर्याउन उनले यस्तो कदम चालेको प्रहरी अनुसन्धानबाट खुलेको थियो । महतले अदालतमा आर्थिक कठिनाइको कारण यस्तो कार्य गरेको स्वीकार गरेका थिए ।
Advertisement
