महोत्तरी । महोत्तरीको गौशाला नगरपालिका १० स्थित मडाहा खोलामा क्रसर माफियाले अवैध उत्खनन गरिरहेको भेटिएको छ । नगरपालिका मातहतका खोलाहरूका लागि ठेक्का प्रक्रिया हालसम्म पूरा नभएपनि मडाहा खोलामा भने क्रसर माफियाको रजाइँ चलेको देखिएको हो ।
बिहानको समय ४ बजे वन गस्ती टोलीले मडाहा खोला र तटवर्ती क्षेत्रमा अवैध उत्खनन भइरहेको पत्ता लगाएपछि एक एक्स्काभेटर र ५ वटा टिपर गाडीलाई नियन्त्रणमा लिएको थियो । त्यसपछि चालकहरूले गाडीका साथ भागेर जय माँ जालपा ढुङ्गा गिट्टी बालुवा वासिङ सेन्टरमा पुगेका थिए ।
त्यहाँ पुगेपछि मोटरसाइकलमा आएका गुन्डा समूहले वन गस्तीमाथि आक्रमण गरेको र बल प्रयोग गरेर गाडी र चालकलाई तिनका साथ लैजाने प्रयास गरेका थिए । आक्रमणमा सशस्त्र वन रक्षक विदुर अधिकारी घाइते भए ।
अवैध उत्खननको घटनामा संलग्न १५० मिटर लामो, ३० मिटर चौडा र २.५ मिटर गहिरो खाल्डो फेला परेको छ । अनुगमन समितिका अनुसार अवैध उत्खननबाट ८७३ घनमिटर गिट्टी र बालुवा बरामद गरिएको छ । अवैध उत्खनन रोक्नका लागि डिभिजन वन कार्यालय, गौशाला नगरपालिकाका प्रतिनिधिहरू र प्रहरीको संयुक्त टोलीले घटनास्थलको निरीक्षण गरेको थियो ।
किसानहरूको अवैध उत्खनन रोक्न ठेक्का प्रक्रिया जारी रहेपनि जिल्लामा अहिलेसम्म कुनै पनि खोला उत्खननका लागि ठेक्का लागेका छैन । घटनाको जानकारी पाउना साथ प्रशासनले कारबाही प्रक्रिया सुरु गर्ने तयारी गरेको छ ।
