काठमाडाैं । राजेश खन्ना वास्तवमा भारतीय फिल्म उद्योगका पहिलो सुपरस्टार थिए । उनको कपालको स्टाइल होस्, गुरुको कलर लगाएको शर्ट लगाउने तरिका होस् वा आँखा यी सबैले सिने प्रेमीहरूको पुरै पुस्तालाई मोहित बनाएको थियो ।
राजेश खन्नामाथि चर्चित पुस्तक ‘द अनटोल्ड स्टोरी अफ इन्डियाज फर्स्ट सुपरस्टार’ लेख्ने यासिर उस्मान भन्छन्, ‘बङ्गालकी एउटी वृद्ध महिला थिइन् । मैले उनलाई सोधेँ – तपाईंको लागि राजेश खन्ना को थिए ? उनले भनिन् – तिमीले बुझ्दैनौ । जब हामी उनकाे फिल्म हेर्न जान्थ्याैँ, उनीसँग बकाइदा डेट हुन्थ्याे । ब्यूटी पार्लर गएर, मेकअप गरेर, राम्रा लुगा लगाएर जान्थ्याैँ । त्यतिबेला पर्दामा उनले आँखा झिम्काउँदा, मुस्कुराउँदा त्यो मेरै लागि गरे जस्ताे लाग्थ्याे । हलमा बसेका हरेक केटीले यस्तै महसुस गर्थे ।’
केटीहरूको लिपस्टिकको रंगबाट उनकाे सेतो कार गुलाबी हुन्थ्याे । युवतीहरू उनकाे गाडीको धुलोले आफ्नो सिउँदाे भर्थे ।
राजेश खन्नाले १९६५ मा संयुक्त निर्माता र फिल्मफेयर प्रतिभा खोज अभियानमा जितेका थिए । त्यसयता उनले कहिल्यै पछाडि फर्केर हेर्नु परेन । यासिर उस्मानका अनुसार जीपी सिप्पी साहबले उनलाई पहिलो फिल्म ‘राज’ दिए, जसमा उनको दोहोरो भूमिका थियो । त्यसपछि उनले चेतन ‘आखरी खत’ साइन गरे । तर ‘आखरी खत’ पहिले रिलिज भयो र फ्लप भयो । राजेश खन्ना घमण्डी थिए, सेटमा सधैं ढिलो पुग्थे ।
उनलाई पहिलो दिन सुटिङ गर्दा बिहान ८ बजे बोलाइएकाे थियाे, तर ११ बजे पुगे । वरिष्ठ प्राविधिकहरुले गाली गरे । त्यतिबेला उनले ‘म कुनै पनि कुराको लागि आफ्नो जीवनशैली परिवर्तन गर्न सक्दिन’ भने । त्यसपछि सबै चुप भए ।
राजेश खन्नालाई राष्ट्रिय पहिचान दिने फिल्म ‘आराधना’ थियो । यद्यपि यो फिल्म शर्मिला टैगोरका लागि बनेको थियो तर राजेश खन्नाले ‘लञ्च’ गरेका थिए । ‘बलिउड न्युज सर्भिस’ का सम्पादक तथा वरिष्ठ पत्रकार दिनेश रहेजा भन्छन्, ‘मलाई अझै पनि याद छ, मेरो जेठो दाजु गोपालले आफ्नी गर्लफ्रेण्डलाई ‘इम्प्रेस’ गर्न ‘मेरे सपना की रानी’ गीत यति ठूलो स्वरमा बजाउनुहुन्थ्यो । अगाडिको भवनमा बस्ने युवतीले प्रष्ट सुन्थिन् ।’
यो गीत खुला जीपमा खिचिएको थियो, जुन रेलसँगै गुडिरहेको देखिन्छ । दार्जिलिङमा छायांकन गरिएको थियो । शर्मिला ट्यागोरविना छायांकन गरिएको थियो । यस फिल्ममा राजेश खन्नाको सानो भूमिका थियो । उनी शर्मिला टैगोरका श्रीमान् बने, जसको सुरुमा मृत्यु भयो । बिस्तारै फिल्मले आकार लियो र कथा अगाडि बढ्यो । त्यसपछि छोराको भूमिका पनि राजेश खन्नालाई दिइयाे ।
त्यसपछि हिट फिल्मको सिलसिला सुरु भयो । १३/१४ वटा लगातार हिट फिल्म, जसको उदाहरण आजसम्म पाइँदैन ।
त्यतिबेला न त कुनै सोसल मिडिया थियो न टिभी च्यानल । अचानक एउटा केटा आयो र सारा फिल्मी दुनियाँमा छायो । उनका हरेक फिल्म ‘जुबली हिट’ र ‘ब्लकबस्टर’ बनिरहेका थिए । एउटा थिएटरमा रोक्सीमा ‘आराधना’ चलिरहेको थियो र त्यसको अगाडि ओपेरा हाउसमा ‘दो रास्ते’ चलिरहेको थियो । मान्छेहरू ‘आराधना’ बाट निस्किएर ‘दो रास्ते’ हेर्न जान्थे । सबै ठूला थिएटरहरूमा छ/सात महिनादेखि राजेश खन्नाको मात्रै फिल्म चलिरहेको हुन्थ्याे ।
चार वर्षसम्म राजेश खन्ना राष्ट्रिय जुनून बने । चर्चित चलचित्र कथाकार सलिम खान चलचित्र कलाकारको यस्तो क्रेज आफूले आजसम्म नदेखेको बताउँछन् । सलीम भन्छन्, ‘उनी अहिलेसम्मकै सबैभन्दा ठूलो स्टार हुन् । सलमान, शाहरुख वा राजेन्द्र कुमार, जति पनि स्टार आए, उनीहरूले राजेशकाे लोकप्रियतालाई कहिल्यै छुन सकेनन् ।’
राजेश खन्नाको मुस्कानले धेरै केटीहरूलाई आकर्षित गर्थ्याे । उनको स्वर पनि निकै राम्राे थियाे ।
राजेश खन्नामाथि लाखौं केटी मर्ने भए पनि उनको सबैभन्दा नजिककि साथी भने अन्जु महेन्द्रु थिइन् । यासिर उस्मान भन्छन्, ‘अन्जु राजेशकाे संघर्षको चरणदेखि नै साथ थिइन् । उनले राजेशलाई धेरै सपोर्ट गरिन् । अन्जु फिल्मी दुनियाँमा आफ्नो पाइला जमाउन पनि संघर्ष गरिरहेकी थिइन् । स्टार बनेपछि पनि राजेश अन्जु महेन्द्रुको घर जाने गर्थे । बाहिर पार्किङ गरेको उनको गाडीलाई स्कुलका केटीहरूले घेर्थे । राजेशकाे सफलतासँगै अन्जुसँगको सम्बन्धमा पनि विस्तारै परिवर्तन आयो ।’
उनी आफ्नो तारिफ गर्नेहरुको वरिपरि बस्न रुचाउँथे । उनी आफ्नो तारिफ गर्नेहरुको वरिपरि बस्न रुचाउँथे । अञ्जुले पनि उनलाई सुपरस्टारको व्यवहार गरोस् भन्ने चाहन्थे राजेश । सफलता मिल्दै गएपछि अञ्जुलाई कम समय दिन थाले र उनीहरुको सम्बन्धमा दरार आउन सुरु भयो । त्यसकाे समयपछि राजेश खन्नाकाे जीवनमा डिम्पलकाे इन्ट्री भयाे । उनी उमेरले निकै सानी थिइन् । पछि उनीहरूले बिवाह गरे ।
जीवनको अन्तिम चरणमा राजेश खन्ना निकै एक्लो थिए । उनलाई क्यान्सरले समात्याे । उनका नजिकका मानिसहरूले उहाँलाई अन्त्यसम्म सबै ठीक हुन्छ भनी हौसला दिइरहे, तर एक दिन राजेश खन्नाले कर्कश स्वरमा भने, ‘समय सकियो, प्याक अप ।’
करको समस्याका कारण उनको बंगला आयकर विभागले सिल गरेको थियो । त्यसैले उनी आफ्नो अफिसमा बस्थे । त्यहाँ उनको छेउमा म्याकडोनाल्डको रेस्टुरेन्ट थियो । उनी त्यहाँ जान्थे, बर्गर खान्थे । स्ट्रबेरी मिल्कशेक पिउने गर्थे, जुन उनको धेरै मनपर्ने खानेकुरा थियो ।
राजेश खन्नाको जन्म सन् १९४२ डिसेम्बर २९ मा भारतको पञ्जाब राज्यको अमृतसर गाउँमा भएको थियो । खन्नाको ६९ वर्षको उमेरमा सन् २०१२ जुलाई १८ मा भारत महाराष्ट्र राज्यको मुम्बईस्थित आफ्नै निवासमा निधन भयाे । खन्नाको वास्तविक नाम जतिन खन्ना हो भने उनी काका, आरके लगायत नामले समेत चिनिन्थे ।
