सप्तरी । “प्रयास गरे के पो हुँदैन” भन्ने भनाइलाई सप्तरीकी आराधना झाले साकार पारेकी छन् । निरन्तर १४ पटकसम्म परीक्षा दिँदै अन्ततः सफलता प्राप्त गर्दै उनले बागमती प्रदेशको सहायक पाँचौँ पदमा सिफारिस हुन सफल भएकी हुन् ।
सरकारी सेवामा प्रवेश गर्ने लक्ष्य लिएर झाले पटक–पटक असफलता सामना गर्नुपरेको थियो । तर, हार नमानी आफ्नो प्रयास जारी राख्दै १४ औं प्रयासमा सफल हुँदै उनले अथक परिश्रम र धैर्यको अनुपम उदाहरण प्रस्तुत गरेकी छन् ।
उनको यो सफलता नसोचेको सजिलो यात्राबाट आएको होइन । असफलताका बाबजुद हिम्मत नहार्ने, निरन्तर अध्ययन र तयारी जारी राख्ने उनको अठोट प्रेरणादायी छ ।
आराधना झाको सफलता सबै परिश्रमी विद्यार्थी र प्रतिस्पर्धीहरूका लागि प्रेरणाको स्रोत बनेको छ । सरकारी सेवामा आफ्नो स्थान बनाउन संघर्ष गरिरहेका धेरै युवाहरूका लागि उनको यात्रा धैर्य, मेहनत र आत्मविश्वासको सन्देश बोकेको छ ।
