एजेन्सी । रणवीर कपुर पछिल्लो केहि दिनदेखि चर्चामा छन् । अभिनेताको फिल्म ‘रामायण’को सुटिङ यसै साताबाट सुरु भएको छ । फिल्मको सेटका तस्विर र भिडियो हरेक हप्ता भाइरल भइरहेका छन् ।
फिल्ममा रणवीर कपूर भगवान रामको भूमिकामा छन् भने दंगल फेम नितेश तिवारी यसको निर्देशक हुन् । रामायणको छायांकन भइरहेको छ । यस्तो अवस्थामा फिल्मको सेट ठूलो र महँगो हुनु स्वभाविक हो ।
रामायणको सेटको एउटा भिडियो भाइरल भइरहेको छ । मिडिया रिपोर्टका अनुसार सेट बनाउन ११ करोड भारतिय रुपैयाँ खर्च भएको छ । फिल्ममा अयोध्या देखाउन निकै मिहिनेत गरिएको देखिन्छ ।
भिडियोमा अयोध्याको सेट देख्न सकिन्छ, जुन निकै ठूलो छ । स्तम्भहरूमा पनि परम्परागत कलाको झलक देखिन्छ । यस बाहेक भिडियोमा फिल्मका क्रु मेम्बर्सले क्यामेरा र उपकरण समातेको देखिन्छ ।
फिल्म तीन भागमा बनिरहेको छ । पहिलो भागको कथा राम जन्मभूमिमा आधारित छ । यदि यो सत्य साबित भयो भने, यो रणवीर कपूरको ‘ब्रह्मास्त्र’ पछि दोस्रो त्रयी हुनेछ । रामायणलाई नितेश तिवारीले निर्देशन गर्दैछन् ।
उनले ‘दंगल’ र ‘छलाङ’ जस्ता चलचित्र बनाएका छन् । रणवीर कपूर पछिल्लो पटक ‘एनिमल’मा देखिएका थिए । फिल्ममा उनले खराब व्यक्तिको भूमिका निभाएका थिए ।
रणवीर अब एक साधारण पात्र निभाउन लागेका छन्, जुन ‘एनिमल’को पूर्ण विपरित छ । फिल्मको रिलिजको बारेमा अहिलेसम्म कुनै अपडेट आएको छैन ।
