एजेन्सी । कट्रिना कैफ अभिनेता विक्की कौशलसँगको विवाहको खबरका कारण चर्चामा छिन् । यतिबेला मानिसहरूले अभिनेत्रीको व्यावसायिक र व्यक्तिगत जीवनको बारेमा लगभग सबै कुरा थाहा पाएका छन् । तर उनको जीवनमा अर्को व्यक्ति छ जसले उनकाे जीवनको रक्षा गर्दछन् । उनी हुन् कट्रिनाका अंगरक्षक दीपक सिंह। जानौँ को हुन् यी अभिनेत्रीका अंगरक्षक ?
६ फिट अग्लो दीपक सिंहलाई हेर्दा बक्सरभन्दा कम देखिँदैनन् । उनको राम्रो लुक्स र सुगठित शरीर देखेर कसैले उनलाई मोडल ठान्न सक्छन् छन् । सलमान खान जस्तै उनी पनि सुन्दर छन् । क्यामेराको पछाडि बसेर, दीपकले कट्रिनालाई बचाउन कहिल्यै असफल भएनन् ।
दीपकको जन्म आगरामा वायुसेनाका अधिकारीको घरमा भएको थियो । सन् १९९९ मा मुम्बई सर्नुअघि आगरामा बस्दै उनले आफ्नो स्कुलिङ पूरा गरे । उनी क्रिकेटर बन्न चाहन्थे । एक अन्तर्वार्तामा दीपकले भनेका थिए– ‘म क्रिकेट समर क्याम्पमा सहभागी हुन मुम्बई आएको थिएँ । मैले चन्द्रकान्त पण्डितको नेतृत्वमा तालिम लिएँ । तर यो दुर्भाग्य थियो कि मैले कलेज स्तरको क्रिकेट मात्र खेल्न पाएको छु र लिगको प्रवेश पास गर्न सकिन ।’
पाँच वर्षको तालिमपछि दिपकले खासै सफलता हात पार्न नसक्दा केही परिवर्तन गर्ने सोच बनाए । उनले आफ्नो जेठाजु रोनित रोयसँग सल्लाह मागे । रोनितको विवाह दीपककी दिदी नीलमसँग भएको छ । रोनितले दिपकलाई एक जिम्मेवार भाइको रूपमा मार्गदर्शन गरे । सन् २००४ मा स्नातक गरेपछि दीपक एस सेक्युरिटी नामक कम्पनीमा आबद्ध भए । दीपकको पहिलो अन फिल्ड असाइनमेन्ट सञ्जय लीला भन्सालीको ब्ल्याकमा डोरम्यानको रूपमा थियो ।
दीपक भन्छन्– ‘मैले सुरुदेखि नै काम सिक्न थालेँ । म ढोकामा उभिएर जनताका लागि ढोका खोल्ने गर्थे । सिनियरलाई मैदानमा हेर्दा एक वर्षमा धेरै कुरा सिकेँ । मरिससमा भएको जी सिने अवार्ड्समा रानी मुखर्जीको रक्षा गर्नु मेरो पहिलो प्रमुख जिम्मेवारी थियो ।’
केही समयपछि दीपकले ठूला–ठूला काम गर्न थाले । उनले आमिर खान, शिल्पा शेट्टी, रितेश देशमुखजस्ता सिनेस्टारको विवाह समारोह सम्हाल्ने जिम्मा पाएका थिए । दीपकले कट्रिना कैफका लागि मात्र नभई शाहरुख खान, माधुरी दीक्षित, ज्याकलिन फर्नान्डिजका लागि पनि अंगरक्षकको रूपमा काम गरेका छन् । बडीगार्डको ड्रेस कोडबारे दीपक भन्छन् – ‘म अरूभन्दा फरक देखिन चाहन्छु । राम्रो लुगाले तपाईंलाई भीडबाट अलग बनाउँछ । यदि तपाईंले सामान्य सफारी लगाउनुभयो भने, मानिसहरूले स्वतः बुझ्छन् कि यो व्यक्ति सुरक्षा गार्ड हो । त्यसैले vvip सँग यात्रा गर्दा तपाईँकाे प्रस्तुती महत्त्वपूर्ण छ । उनीहरुसँग घुलमिल हुनुपर्छ ।’
कहिले अभिनयको अफर आयो भन्ने प्रश्नमा दिपक भन्छन्, ‘मलाई फिल्ममेकर, डिजाइनर, कोरियोग्राफर र कलाकारले पनि अभिनयमा हात हाल्न आग्रह गरेका छन् । तर मलाई यसमा चासो छैन । म आफ्नो क्षेत्रको शाहरुख खान बन्न चाहन्छु ।’ दिपकको पनि सानो परिवार छ । उनले प्रेम विवाह गरेका थिए र अहिले उनी एक सन्तानका पिता हुन् । बडीगार्डको जागिरबाहेक उनी परिवारलाई पनि समय दिन्छिन् ।
