एजेन्सी । बलिउड र हलिउडको सबैभन्दा रोमान्टिक जोडी मध्ये एक हुन् प्रियंका चोपडा र निक जोनस, जसले सधैँ आफ्नो रमाइलो केमेस्ट्रीले फ्यानहरूलाई प्रभावित पारेका छन् । तर अहिले उनीहरुको डिभोर्सको खबरले फ्यानलाई स्तब्ध बनाएको छ । वास्तवमा प्रियंका चोपडाले आफ्नो इन्स्टाग्राम बायोबाट पति निक जोनसको उपनाम हटाएकी छिन्, त्यसपछि प्रियंका र निकको सम्बन्धविच्छेदको खबर निकै भाइरल भएको थियो र दुवैका फ्यानबीच हलचल मच्चिएको थियो ।
प्रियंका र निकको डिभोर्सको खबरले उनीहरुका फ्यानहरुलाई स्तब्ध बनाएको छ । प्रियंकाले आफ्नो सामाजिक सञ्जालबाट आफ्नो मायालु श्रीमानको उपनाम किन हटाइन् भन्नेमा फ्यानहरू पनि अन्योलमा छन् । प्रियंकाले श्रीमान् निकसँगको सम्बन्धविच्छेदको खबरलाई लिएर अहिलेसम्म कुनै प्रतिक्रिया दिएकी छैनन् तर अभिनेत्रीकी आमाले सम्बन्धविच्छेदको खबरलाई पूर्ण रूपमा अस्वीकार गरेकी छन् ।
प्रियंका र निकको बिछोडको खबर भाइरल भएपछि अभिनेत्रीकी आमाले आफ्नो प्रतिक्रिया दिएकी हुन् । मधु चोपडाले एक विज्ञप्ति जारी गर्दै प्रियंका र निकको सम्बन्धविच्छेदको हल्लालाई झुटो भनेकी छन् । उनले यस्ता झुटो समाचार नफैलाउन पनि सर्वसाधारणलाई अपिल गरेकी छिन् । मधु चोपडाले प्रियंकाको सम्बन्धविच्छेदको हल्लालाई खण्डन गरेपछि अभिनेत्री र निकका फ्यानहरूले राहतको सास फेरेका छन् ।
