एजेन्सी । भारतका प्रमुख अफ स्पिनर रविचन्द्र अश्विनले अन्तर्राष्ट्रिय क्रिकेटबाट सन्यास लिएर सबैलाई चकित पारेका छन् । ३८ वर्षे आर अश्विनले १०६ टेस्ट म्याचमा ५३७ विकेट लिएका छन् । उनी टेस्ट म्याचमा भारतका लागि अनिल कुम्बलेपछि दोस्रो सबैभन्दा बढी विकेट लिने बलर हुन् । कुम्बले ६१९ विकेटका साथ शीर्ष स्थानमा छन् । आर अश्विन भारतीय क्रिकेट टोलीका सबैभन्दा अधिक पढेका खेलाडीमध्ये एक हुन् ।
१७ सेप्टेम्बर १९८६ मा चेन्नईको मायलापुरमा जन्मेका आर अश्विनको स्कूली शिक्षा पद्म शेषाद्रि भवनमा शुरू भयो । त्यसपछि उच्च माध्यमिक शिक्षाका लागि उनले सेंट बेडे स्कूलमा भर्ना लिएका थिए । इन्जिनियर आर अश्विन आर अश्विनले इन्टरमेडिएटपछि चेन्नईको एसएसएन कलेज अफ इन्जिनियरिङबाट इन्फर्मेसन टेक्नोलोजीमा बीटेक गरे । अश्विन यदि क्रिकेटर नहुने भए, सम्भवत: उनी एक सॉफ्टवेयर इन्जिनियर हुन्थे ।
आर अश्विनका पिता पनि क्रिकेट खेल्थे
आर अश्विनका पिता रामचन्द्रन पनि तेज बलर थिए । उनी क्लब स्तरको क्रिकेट खेल्थे । आर अश्विन एक संयुक्त परिवारमा हुर्केका हुन् । जहाँ उनका दाजाजीले उनलाई मात्र खेल्नको लागि प्रोत्साहित गरेनन्, बल्की खेलसँग सम्बन्धित सबै आवश्यकताहरुको पनि ख्याल राखेका थिए । यसका अतिरिक्त, आर अश्विन आफ्नी केयरटेकर आंटलाई यसको श्रेय दिन्छन्, जसले उनलाई निकै सहयोग गरेका थिए ।
