एजेन्सी । अनुष्का शर्मा फिल्मबाट टाढा भएपनि सामाजिक सञ्जालमा निकै सक्रिय रहन्छिन् । उनी हरेक दिन आफ्नो दिनचर्याका तस्बिर सेयर गरिरहेकी छिन् । अहिले महिनौंपछि उनले ग्रीन मोनोकोनीमा आफ्नो तस्बिर सेयर गरेकी छिन् । उनको यो फोटोमा अनुष्काका पति विराट कोहलीको विशेष प्रतिक्रिया पनि आएको छ ।
विराट कोहलीले अनुष्का शर्माको पूल साइडमा पोज दिइरहेका यी तस्बिरहरूमा मुस्कुराउने इमोजी राखेका छन् । यो इमोजीले विराटको खुशी र श्रीमती अनुष्काको सौन्दर्यबाट प्रभावित भएको देखाएको छ । अनुष्काको यो तस्बिरमा उनको एकलता मात्र नभई वरपरको वातावरण पनि हरियाली प्रकृतिको संकेत हो । तस्बिरको क्याप्सनमा अभिनेत्री आफैंले बिरुवाको इमोजी पनि राखेकी छिन् । अभिनेत्रीको यो ताजा तस्बिरले उनको प्रकृतिप्रतिको लगाव प्रस्टै देखाएको छ ।
पहिलो तस्विरमा अनुष्का शर्मा खुसीसाथ हाँसेकी छिन् भने दोस्रो तस्विरमा उनको मन्द मुस्कान देख्न सकिन्छ । हालै अभिनेत्रीले एक म्यागजिन सुटिङका लागि आकर्षक तस्विर शेयर गरेकी छिन् । कालो नेट ड्रेसमा उनी निकै सुन्दर देखिएकी थिइन् ।
अनुष्का पछिल्लो पटक २०१८ मा फिल्म जिरोमा देखिएकी थिइन् । त्यसपछि उनले फिल्मबाट ब्रेक लिए र आफ्नो परिवारमा ध्यान दिए । प्रोफेशनल लाइफबाट ब्रेक लिएपछि अभिनेत्रीले यही वर्ष जनवरीमा पहिलो सन्तानलाई जन्म दिइन् । आजकल अनुष्का धेरै ब्रान्ड एन्डोर्समेन्टमा देखिएकी छिन् । तर, उनको फिल्ममा कहिले कमब्याक हुन्छ, उनका फ्यानहरु आतुर छन् ।
